દોસ્ત અહીં થાવું છે અમર કોને

Published by at 1:00 am under Poems

લખવું છે નામ રેત પર કોને,
છે વફાદાર જળ-લહેર કોને.

કોણ કોને છળે, ખબર કોને,
રહગુજર કોને, રાહબર કોને.

કોઇ સામે નથી, કશું જ નથી,
તો ય તાકે છે નિત નજર કોને.

મ્હેકતી આંખ, મ્હેકતાં દૃશ્યો,
કોણ કરવાનું તરબતર કોને.

હું જ છું એક જે ગમું એને,
બાકી ભેટે છે પાનખર કોને.

મોતી નીકળ્યા કરે છે આંખોથી,
સ્વપ્નમાં આવ્યું માનસર કોને.

જાણું છું શ્વાસની દગાબાઝી,
છે ભરોસો હવા ઉપર કોને.

સર્વને આવકારે સમ-ભાવે,
ના કહે છે કદી કબર કોને.

બે ઘડી આ ગઝલ ગમી તો બસ,
દોસ્ત અહીં થાવું છે અમર કોને.

11 responses so far

11 Responses to “દોસ્ત અહીં થાવું છે અમર કોને”

  1. Ashutosh says:

    Good one.

  2. Gaurav Patel says:

    ભલે તમને અમર ન્હોતુ થાવું મનોજજી, પણ તમારી રચનાઓ એ તમને અમર કરી નાખ્યા..

  3. girish khatri says:

    તમે તો અમર રહેવા જ સરજાયા છઓ

  4. kunj says:

    એક લાઈન મારા તરફથી….

    “આપ્યુ છે સર્વસ્વ જેને, તે પણ ક્યા રોકે છે કોને…”

  5. dhaval soni says:

    જલસા….પડી ગયા..

  6. Krunal Pandya says:

    કેવુ સુન્દર !

  7. vachini gohil says:

    ખુબ સરસ રચના

  8. Dipal says:

    ખુબ જ સુન્દર્…
    આભાર ગુજરાતેી સાહિત્ય ને જિવન્ત રાખવા બદલ્….

  9. Dhrupen says:

    સુદર ગઝ્લ

  10. SHIRISH RANA says:

    આ તમે તો અમર થૈ ગયા મનોજ સાહેબ, ગઝલ હ્રદય નિ આરપાર નિકલે ચ્હે. સલામ ..

  11. GURUDATT says:

    વાહ વાહ વાહ શુ ખુમારી છે!
    આ કવિ તો ભારે અલગારી છે!

Leave a Reply