શબ્દો જ કંકુ ને ચોખા
રસમ અહીંની જુદી, નિયમ સાવ નોખા
અમારે તો શબ્દો જ કંકુ ને ચોખા
હવાયેલી સળીઓ જ ભીતર ભરી છે
અહીંના જીવન જાણે કે બાકસનાં ખોખાં
લચ્યા’તા જે આંખે લીલા મોલ થઈને
હવે એ જ સપનાં છે સુક્કાં મલોખાં
તું તરસ્યાને આપે છે ચીતરેલાં સરવર
તને ટેવ છે તો કરે કોણ ધોખા
વહાવ્યા કરું આંગળીમાંથી ગંગા
કે ક્યારેક જો હાથ થઈ જાય ચોખ્ખા
9 responses so far
પ્રિય કવિ શ્રી મનોજભાઈ ખંડેરિયાની યાદમાં આ સરસ વેબ-સાઈટ શરુ કરવા બદલ પરિવારજનોને હાર્દિક અભિનંદન અને
ખૂબ જ સફળતાની શુભકામનાઓ!
ગમતી ગઝલો વાંચી ફરી આનંદિત થઈ જવાયું! આભાર!!
સુધીર પટેલ
ભાવનગર. હાલ શાર્લોટ, અમેરિકા.
પ્રિય કવિ મનોજભાઈની યાદોનો આ ગુલદસ્તો શરુ કરવા બદલ
તેમના પરિવારજનોને ખૂબ ખૂબ અભિનંદન !
અને અનેક શુભકામનાઓ !
તેમની કવિતાઓ ફરીથી માણી ભાવવિભોર થયો !
આભાર !
અદભુત ગઝલકાર અને કવિશ્રી મનોજ ખંડેરિયાની રચનાઓને અનેક ભાવકો સમક્ષ લઈ જતી આ વેબસાઈટ-શ્રદ્ધાંજલિ બદલ પરિવારજનો અને વેબસંચાલકોને વંદન. ગુજરાતી સાહિત્યને કવિશ્રીની ખોટ કાયમ રહેશે.
શ્રી મનોજ ખન્ડેરિઆને શ્રધ્ધાન્જલી અને નમન બ્લોગ દ્વારા કવિશ્રીના ગઝલોનો આસ્વાદ કરાવવા બદલ પરિવારજનોનો આભાર ……………….
પ્રિય કવિ મનોજ ખંડેરિયાનાં જન્મદિને , તેમની વૅબસાઈટ લૉન્ચ કરવા બદલ
વૅબમહેફિલ અને તેનાં વાચકો તરફથી આપને હાર્દિક અભિનંદન અને આભાર
પ્યારા કવિ મનોજભઇ ની વેબસાઇટ થી આનઁદિત થવાયુ.
manoj khandheriya is real lion of gazals of junagadh .u will live and rule our heart forever
પ્રિય કવિની રચનાઓ વાંચીને ખૂબ આનંદ થયો.
મનોજ અભિનન્દન , મજા આવિ.